February 28, 2021

Star News Sri Lanka

ශ්‍රී ලාංකීය අභිමානය සමගින්

චීනයේ බටහිර සිංජි ප්‍රද්ශයේ කපු සහ තක්කාලි ආශ්‍රිත සියලුම නිෂ්පාදන ආනයනය කිරීම තහනම් කරනු ලැබ ඇතැයි එක්සත් ජනපදයේ රේගු සහ දේශ සීමා ආරක්‍ෂක අංශය නිවේදනය කර තිබේ.

මේ සියලුම නිෂ්පාදන සඳහා නීති විරෝධී සහ සදාචාරාත්මක නොවන අන්දමින් යුයිගර් මුස්ලිම් ශ්‍රමය යොදාගැනීමට එරෙහිව තහනම පැනවූ බව නිවේදනයේ දැක්වේ.

එම නියෝගය නොතකා ආනයනය කෙරෙන සියලුම භාණ්ඩ එක්සත් ජනපදයේ සියලුම වරායන්හිදී අත්අඩංගුවට ගැනෙන බව ඒ සම්බන්ධයෙන් නිකුත් කර ඇති භාණ්ඩ මුදාහැරීම් අත්හිටුවීමේ නියෝගයේ අවධාරණය කර ඇත.

ණය ගිවිසුම් කඩ කිරීම් නිසා බන්ධනාගාර ගතවූද, රැඳවුම් නියෝග යටගේ සිටින්නාවූද, තර්ජනයෙන් සහ බලහත්කාරයෙන් යොදවා ගෙන සිටින්නා වූද සියලුම යුයිගර් මුස්ලිම් ප්‍රජාවගේ ශ්‍රමය කම්කරු නීති කඩකරමින් මෙන්ම වේතන පවා නොදී මේ සියලු නිෂ්පාදන සඳහා යොදවා ගැනෙන බවට තොරතුරු ලැබීමෙන් පසුව මේ තීන්දුව ගෙන ඇතැයි කියයි.

රේගු සහ දේශ සීමා ආරක්‍ෂක අංශය පවසන අන්දමට යථෝක්ත භාණ්ඩ නිෂ්පාදනය කෙරෙන සියලුම ව්‍යාපාරික ආයතන කම්කරු නීති හයක් උල්ලංඝනය කරමින් ශ්‍රමය පැහැර ගන්නා බව පැවසේ.

“චීනයේ බටහිර සිංජිඈංජි ප්‍රදේශයෙන් එන තහනම් භාණ්ඩ මුදා නොහැර රඳවා ගන්නා ලෙස එක්සත් ජනපදයේ වරායවල්වල සිටින දහස් ගණනක් රේගු නියෝජිතවරුන්ට මේ නියෝගයෙන් උපදෙස් දුන්නා” යැයි එක්සත් ජනපදයේ රේගු සහ දේශ සීමා ආරක්‍ෂක අංශයේ කොමසාරිස් මාර්ක් මෝගන් පැවසුවේය.

සිංජිඈංජි පළාතේ කපුවලින් නිෂ්පාදනය කෙරෙන කෙඳි ඇඳුම් සහ රෙදිපිලි වගේම තක්තාලි ආශ්‍රිතව නිෂ්පාදනය කෙරෙන සෝස් සහ අච්චාරු වර්ග ආදියත් මේ තහනමට යටත් යැයිද ඔහු වැඩිදුරටත් සඳහන් කෙළේය.

මේ සම්බන්ධයෙන් එක්සත් ජනපදයේ දේශාරක්‍ෂක දෙපාර්තමේන්තුව පැවසුවේ මේ තහනම චීනය එක්තරා මානව ප්‍රජාවකට පීඩාකෙරෙන අන්දමට ක්‍රියාත්මක නින්දිත ප්‍රතිපත්තියට එරෙහිව ගෙන යන එකක් බවයි.

බටහිර සිංජිඈංජි ප්‍රදේශය චීනයේ සමස්ත කපු සහ තක්කාලි නිශ්පාදනයේ කේන්ද්‍රස්ථානයයි. එක්සත් ජනපදය පසුගිය වර්ෂයේ (2020) චීනයෙන් ආනයනය කළ කපු ආශ්‍රීත නිෂ්පාදනවල වටිනාකම ඩොලර් බිලියන නමයක් හෙවත් කෝටි නමසියයකි (9,00,00,00,000). තක්කාලි ආශ්‍රීත නිෂ්පාදනවල වටිනාකම ඩොලර් මිලියන දහයක් හෙවත් කෝටියකි (1,00,00,000).

එක්සත් ජනපදය චීනයට මේ අන්දමේ කණේ පාරක් දුන් පළමු අවස්ථාව මෙය නොවේ. කපු නිෂ්පාදන සම්බන්ධයෙන්ම පසුගිය fදැසැම්බරයේදීද මෙවැනිම එකක් දුන්නේය. පසුගිය වර්ෂයේ (2020) මේ අන්දමේ තහනම් නියෝග විස්සක් (20) පැනෙව්වේය. ඒ සියල්ලම නින්දිත අන්දමින් ශ්‍රමය සූරා කෑමට එරෙහිවය.

චීනයේ සුළුතර යුයිගර් මුස්ලිම් ප්‍රජාවද ඇතුළු සුළුතරයට එරෙහිව කෙරෙන දරුණු අකටයුතුකම් නවත්වන ලෙසට එක්සත් ජනපදයේ මානව හිමිකම් විශේෂඥයෝ පසුගිය සමයේ අවස්ථා ගණනාවක දීම චීන ජනාධිපති සි ජිංපින්ට :ඞස න්‍සබචසබට* කරුණු පහදා දුන්හ.

දස ලක්‍ෂයේ (10,00,000) සිට තිස් ලක්‍ෂය (30,00,000) දක්වා වූ යුයිගර් මුස්ලිම් ප්‍රජාවක්ද සහ කසකස් :ණ්‘්නයි* වරුන් සමග තවත් පිරිසක්ද රඳවා ගෙන ඇති බව පවසන එක්සත් ජනපදයේ රාජ්‍ය ලේකම් මයික් පොම්පියෝ කියන්නේ මේ සුළුතරය යුද හිර කඳවුරක වෙසෙන බවකි.

මේ ප්‍රකාශය සම්බන්ධයෙන් චීනයෙන් කෙරෙන හේතු දැක්වීම නම් ත්‍රස්තවාදය මෙන්ම අන්තවාදයද පිටු දැකිය යුතු බවයි. ඔවුන් කඳවුරු ගතකරනු ලැබ ඇත්තේ යළි දේශපාලන අධ්‍යාපනය දීමට බවයි. එමගින් යුයිගර් මුස්ලිම් ප්‍රජාවට රැකියා සොයා ගැනීමට පහසු වන බවයි.

චීනය නව වහල් මෙහෙය ක්‍රියාත්මක කර ඇතැයි මේ සම්බන්ධව අදහස් දක්වමින් එක්සත් ජනපදයේ රේගු සහ දේශ සීමා ආරක්‍ෂක අංශයේ කොමසාරිස් මාර්ක් මෝගන් පැවසුවේය.

පරිවර්තනය චන්ද්‍රසේන මාරසිංහ